續…┌場地報導日誌┐ [鑽石山聯邦]

((終於趕到進度啦~一次過打幾篇好累~要乖乖地唔好偷懶 ))

 

經過睇場之旅, 當然同朋友們訴下苦啦~突然間, 朱小姐suggest左鑽石山聯邦, 覺得佢樓底高, 又夠大, 佢參與過婚宴/食過飯既朋友D COMMENT都唔差~

 

既然佢覺得唔差~即係打去pencil mark 左個日子先~我唔想再重滔覆澈!!!

 

又想起好耐之前同媽媽飲茶都覺得呢度唔錯, 點解我唔記得左呢~即係上網睇睇~地方價錢都OK喎……….即刻打比陳生講啦~佢竟然約左第2日就去睇場, 超surprise, 無諗過陳生真係咁上心, 成日覺得佢唔理唔理咁…LOVE U~

 

放左工即刻去鑽石山, 本來打算食埋晚飯試下味, 不過諗諗下, 試味都係留返我地真正confirm 左個場先~慳返D, haha

 

上到去, 一向要求高既陳生竟然即時讚好 超少有~呢個場O係我心目中已經加左分數, 唔知係唔係佢地D經理唔O係度, 由一個reception 姐姐(莊小姐)帶我地行, 個場真係幾大, 樓底幾高, 好少商場酒樓有咁既樓底~又有大玻璃, 感覺好舒服~再入到新娘房, 雖然比起其他的確細左D, 不過已經比我想像中好, 因為上網睇comment 話無獨立廁所, 當日新娘子去toilet 都幾麻煩~但佢裝修過後就有啦~GOOD!!!

 

Backdrop 都唔差, 有中式/西式揀~中式仲有對龍鳳添~如果真係揀呢度可以唔駛再搞佈置~整體上都幾滿意, 再同莊小姐落去OFFICE傾下, 又睇下佢地D相…影出黎效果都唔錯~

 

佢D菜單都OK, 但可惜佢未出2012年菜單, 呢個係我比較憂慮既地方, 又唔知佢加幅幾多…莊小姐就話呢幾年都係加左$100-$300…無論佢講咩都好~一日未出一日都未安心~

 

不過佢就話有返個每圍$200 回贈既OFFER, 其實都幾吸引, 因為真係慳唔少…

當然, 都係要問下4大長老既意見啦~