續…┌場地報導日誌┐[官塘玉桃苑]

好啦~呢一篇仍然講緊場地 (好悶呀!!!打完未??)

 

講到覺得玉桃苑幾好, 當然要再問問D長老意見啦~

為左快D搞掂佢, 趁媽媽生日, 就1家4口約去玉桃苑食飯, 順便比下意見, 爹爹一聽到官塘, 就覺得唔夠油尖旺好 (我夠知咯, 駛你講) 我就叫佢睇左先啦~

 

好不容易JOIN UP到, 已經好多怨言, 又話未黎過, 又話D老人家唔駛黎…..已經火火地….唔理佢~

 

上到去, 又話樓底唔夠高, 又話裝煌唔夠靚………又呢又路~真係比佢激死~仲要大大聲~想點呀???

 

不過媽媽同哥既意見都話可以再睇下先~咁…我諗呢間都係OUT啦~(又要搵, 救命!!!!)

 

好啦~比返D中肯意見啦~

 

1.      食物OK既, 雖然條魚蒸老左D, 但都OK既~起碼唔食魚既我都食得落少少, 可以PASS 嫁啦

2.      服務中上, 因為當日都唔多人, 基本上一個SERVE 一枱都OK~所以SERVICE 一定唔差啦~但我覺得佢知道我地黎睇場既

3.      新娘房唔差, 都幾大, 但當然無煌府, 彩福O個D婚宴專門店咁大啦~但都不過不失, 又有特別通道通返到去, MATCH IN 唔駛O係GUEST 面前出去再扮返入黎~

4.      樓底都算高~不過D燈太大, 令到個樓底睇落矮左~不過我自己覺得清清地幾好~

 

整黎講, 呢間都幾好, 可惜D大帝唔滿意, 如果唔係我地都應該揀呢間~