┌場地報導日誌┐

好啦~~前2日打返擇日O個PART, 而家到場地啦~

 

呢一PART 一直都係我覺得最最最頭痛既一PART~一方面我地budget 唔多, 另一方面我地又有D要求, 又想樓底高D, 睇落舒服D, 三來又想D老人家滿意….好多好多困素令我地有好多限制~

 

之前御苑因為地區問題已經被OUT啦~之後都睇左好多間, 我地滿意既, budget 又未必岩, 唔滿意既更加唔駛講啦~多的是……

 

除左御苑, 我地唯一感到滿意既, 就係紅磡煌府, 各方面都幾滿意, 同事又識得佢一位高層, 事半功倍, 當我地商量好, 打算去多一次就confirm, 已經一星期問仲有無位….可惜….當我地去到………………竟然比人BOOK左!!!真係晴天霹靂, O個一刻真係想喊……..

 

無辦法啦…….唯有另搵場地啦….去返觀塘睇下, 感覺已經唔同左…..~第一間心水係百樂門, 不過又無左期….(真係咁好日???)再落玉桃門……e~感覺OK喎~~~再睇睇菜單, budget 內！其他酒樓都麻麻地~不入list內~

 

特別一提但唔會要既酒樓係:

1.      官塘煌庭 – 個經理好好, 好熱情, 價錢OK, 基本上需要既野都包埋~
但可惜個場唔得~唔鐘意~OUT!

2.      官塘譽宴 – 個場好舒服, 有露天平台 (雖然無境可言), 裝修好岩我地, 清清地~不過個經理串到爆, 好似唔休做咁, 火都黎埋!!OUT!

3.      紅磡景逸軒 – 個場真係堅堅堅堅正~樓底高, 落地大玻璃, 真係好掂好正!!!可惜………..超out budget~畢竟佢都係酒店食府……..唉~OUT!