→葵花好介紹←

呢排周圍搵12年結婚既朋友仔做BLOG 友~

見到有人為大家設計WEDDING LOGO~~
有興趣既朋友唔好執輸啦~~

http://hk.myblog.yahoo.com/yuyu84316/article?mid=6539&suc=1

又搞掂左一樣野~^^v

之前join 左個朋友既wedding, 睇左佢d相, 覺得佢d snapshot 幾好~
比陳生睇左comment 都ok~

行過金都拎左d資料睇下, 發現佢價錢比我想像中平......
所以心目中一直都打算揀佢....
但因為爭扎緊好唔好"是但"join 埋佢個pre-wedding...

係"是但"囉!!!我真係唔想是但, 所以一直都hold 住左.....
之後再諗返....其實join 左呢個先都得嫁o者~
因為怕o個個攝影師比人book 左~所以今日就啦啦聲陳生搞埋佢, 了左件事~

之後同阿陳小姐吹下水, 就決定落訂啦~~
不過原來mark 師傅要比$500/人 嫁........咁如果我mark 晒我朋友o個2個咪要比多成千蚊?!?!!!??!?!?  

陳小姐都建議我地正shot 同snapshot 2選1.......選擇恐懼症又黎.......
最後....我地都揀左正shot....之後陳小姐都補左句, ""如果"當日snapshot o個個無人mark 住, 就盡量安排比你地啦~"

"如果"......邊有咁好彩~佢影得真係唔錯~
希望到時陳小姐真係記得而又安排到比我地啦

2/5/2011 更新~

岩岩打左比陳小姐, 都係MARK 返snapshot 阿SAM~

因為覺得正shot 比snapshot較容易掌握, 同埋我一開始睇中既係佢既snapshot...

無理由唔忠於自己嫁

§§ 戲劇性發展之找到了 §§

之前一直搵緊D 合心水既PRE-WEDDING, 但陳生既眼角實在太高....

所以一直想落實去BOOK都做唔到......

事源尋日我同陳生講, "雖然你未搵到合眼源既公司, 但其實最重要既唔係呢個, 而係結婚當日既攝影, 因為同酒樓一樣.......O個日無左就無左  所以FIRM左呢一PART 好重要..."

所以今日放假, 就一齊去左金都打算落訂~

黎到當然又周圍行下, 雖然都行到好多好多次......D野其實都一樣~

第一站就係"喜店", 其實聯邦會送$5.5 以下(包印)既帖比我地, 就o係呢間印, 咁岩又O係金都, 咪順手睇下D $5.5 以下既係咩料子既帖.....一睇都幾多款喎~~
陳生睇中左一張好傳統既帖, 又係咁岩$5.5..........哈哈~~有無咁Q呀, 肯定睇住價錢黎揀

運吉完再周圍行下...........陳生叫停左我~之後就坐底睇相.........
之後就落埋訂........之後咪又out 晒budget 囉..........

比陳生有幸揀中既就係......................

其實呢一間係我地決定結婚, 但咩都未搞就睇中既第一間公司黎嫁~
o個時佢呢間分店岩岩開張, 仲有好多優惠添~~~

點知優惠無晒, 但到最後...都係揀返呢間~

下次再同大家分享下我地join package 既內容

回憶..........初次拖手時 ♥ ♥ ♥ ♥

其實.............我怕自己再次忘記~所以要打呢篇野記底......

好好笑...有一次同陳生搭車返屋企, 唔知點解講開以前......

6年幾前既一日, 有人約我去睇戲, 之後有小插曲, 跟著有人就拖住我隻手, 之後就拖到今日啦...........

估唔到....我竟然可以用3言2語就講到呢段回憶出黎....

真係太少啦...

後尾我地諗左好耐好耐..............究竟套戲叫咩名呢.........
用左所有方法, 包括年份, 主角, 故事內容, iphone........

終於搵到啦.........

就係....

................

就係....

................

就係....

................

就係....

................

就係....

................

就係....

................

真係諗爆頭呀!!!!

好搞笑囉~我話我記得好似有阿sa嫁....就用iphone 不斷搵啦....
點知原來係阿gill 囉

好彩佢地係組合o者, 如果唔係一定搵死我地

尋尋覓覓

對我黎講, 結婚當日最重要既一刻, 應該係雙方宣誓後交換戒指, 正式成為夫妻的時刻。

雖然過去到收過陳生幾隻愛的指環, 但戒指呢一環仍然係萬分重要, 因為要帶一生嫁嘛~

話就話黎呢日仲有年半有多, 但呢排不論同陳生行街, 或者同朋友買野, 都會留意下有無合心意既款~

但要求高既陳生o係度, 又邊會咁容易揀得到...........我諗我地一定唔會o係周氏系列度買到我地既the one~因為d款實在係太大路啦~陳生想要既....係一對簡單得黎, 又有少少特別, 少少款既對戒.......其實我都係既~因為太花巧唔似係結婚戒指, 莊重既婚禮上當然要配上一對似結婚戒指既戒指啦 (好似用緊肺講野  )

唔搵唔知.......原來HK 有好多出名但好少宣傳既舖頭, d款仲好得添~不過價錢又相對地..............

不過唔緊要~~大把時間, 慢慢睇, 慢慢揀~再唔係.....自己設計叫爹爹幫我地整對都得~

但都可以分享下我最近幾心儀既款

PN出品真係唔錯, 佢d款特別d, 唔似周氏系列o個d傳統款式~

呢對有日行街見到已經超鐘意~~~
不過老實講我知陳生應該唔多like 男款, 因為女仔左少少~
因為咁, 我特登問個sales 有無d類似既簡單款可以配到呢隻女款
sales 姐姐就介紹左我呢款....

其實都唔差呀~~配上去都好襯~~

咁就事不延遲, 之後當然帶左陳生去睇下啦~~~
果真係呢d comment, 不過令我surprise 係.....陳生話如果比佢揀, 佢竟然會揀返上面隻男款~~真係估唔到.......

2隻都帶過上手, 雖然上面o個個款靚d (係真係好靚!!!!) 但覺得下面個款帶上去好似順眼d........好多真係要試過先知~

就係咁, 我地既婚戒之旅暫時要告一段落~
要繼續搵下我地既一生信物啦~~努力!!!!

WE 16.4.2011

話說今日埋其他D訂~一場黎到當然周圍睇下啦~

九展婚展我都係第一次去, 分左3個場~最底就酒席, 紅酒之類~
其他2個就做PRE-WEDDING, MAKE UP, DECO, 回禮禮物等等……

 

因為陳經理帶我地入去, 所以最底O個層唔駛$$$~
上去其他樓層都要飛入, 就問下陳經理, 慳返$20 都好嘛~

點知佢已經派晒比人, 淨返一張, 咁無所謂, 我地買一張飛啦~

有一對情侶聽到 (聯邦坐上客), 就主動比左2張飛我地, 話佢地今日主要係訂酒席, 唔行其他地方, 所以張飛無用……就係咁, 我地又慳返少少啦~LUCKY~~~~~

 

好~講左咁多廢話~ 講返個EXPO

其實去過會展一次, 今次第2次, 比起會展佢細好多 (都唔知點解煌府個經理會話九展係全港最大既WEDDING EXPO) 我地O個個講得最多既係”我地已影左啦” (中/普雙語), 就係得嫁喎~~`下次都用返呢招先

 

其實行完都無咩收獲~總結都2點~

 

1.      其實我地知自己想要PRE-WEDDING 既STYLE 係點, 不過所有符合陳生要求既真係少之有少~就算有…..都超貴~所以我諗我地o係呢一PART 真係會搞好耐…………

2.      都見到有2間心水既化妝, 價錢都係我心水以內~酒席搞掂, 黎緊下個TASK 就係盡量呢2個月內可以揀到心目中既mua~~

@@@@BYEBYE 2萬大洋@@@@

今日去婚展主要目的係落埋O個$700/圍訂~

去到九展, 陳經理就帶我地入去, 去到佢地個位, 已經有唔少人坐O個度傾~

聯邦不愧係大酒樓, 眼見都唔係間間都有客, 佢地已經坐左幾枱~

對呢間野愈黎愈有信心, 希望到時真係做得好好~

陳經理拎左份協議書出黎, 就一個個POINT 再講一次, 我地就趁機問埋想知既問題, 大致上都無咩問題, 陳生就簽名作實啦！

HAHA~陳生見到”陳葉聯婚宴會”, 同我講感覺好似怪怪地…hahaha~傻瓜, 我上次落訂已經見到啦~~~~同你感覺一樣呀~~哈哈

 

仲有一張$500現金劵添~岩晒, 4大長老見面食左佢~
不過佢6月到期……..會唔會太早見面呢??

OOOOOO~~~只係簽左一個名........咁就無左2萬蚊~~~
錢都唔係錢黎既!!!!!!!

【100樣有99樣都未做既check list】

上jeffreyca 個blog 醒起佢地有個check list, copy 出黎用下~

〝離我們的大日子還有1年6個月【548日】〞

婚禮日期: 2012年10月14日 (星期日)

婚宴地點: 鑽石山聯邦 (圍數約22-25, 岩岩落左$300/圍, 16/4 再落埋$700/圍, 菜單未confirm)

註冊地點: 未定 **同陳生共識緊   

婚禮攝影/錄影: 未搵

婚紗相: 未搵         

簽名布:  未搵

謝咭: 需唔需要??@@

化妝師: 未搵

新娘婚紗晚裝 (1件wg + 3件eg):  未搵

新娘裙褂: 未搵

新娘鞋: 未買

新郎禮服: 未搵

媽咪，伴娘及奶奶衫: 未搵

爸爸西裝: 未搵

結婚戒指: 未買

戒指枕: 未搵

簽名筆: 未搵

結婚證書套: 未買 

嫁妝: 未買 

飾物:  未搵

車頭公仔: 砂糖兔首選~不過甘甘都好似好可愛.....

婚禮邀請咭: 未整

婚禮場刊:  N/A

婚禮各項安排: 未搵

喜帖: 酒樓包 (未揀款)

婚宴司儀: 未定 **陳生打算請人做~

婚宴場地佈置: 酒樓包  (但或者會加少少DIY)

婚宴用童年片頭:   未整 (酒樓好似包)

婚宴進場音樂: 未諗

婚宴酒類: 未諗

過大禮事宜: 未諗

花球: 未買

餅咭: 未買

花車: 未搵

花車佈置: 未諗

小禮物: 我地想送D特別野, 如果諗唔到未必送~

邀請人名表: 初步諗左

媽咪，伴娘及奶奶化妝: 未搵

姊妹衫及化妝: 未搵

當日rundown: 未諗

各人task list: 未諗

伴娘: 一早已決定

姊妹名單: 已有初步名單，未confirm晒

姊妹手花:  未買 (可能搵以前同事SARAH整)

伴郎: 有人心大心細

兄弟名單: 已有初步名單，未confirm晒

兄弟襟花: 未買

新居: 未搵

一睇呢個LIST 就覺得好頭痛~未做既野多過乜  

雖然仲有年半既時間, 不過都要少少, 少少咁做~

唔想到結婚前2,3 個月咁辛苦  

♫ ♪ 終於落訂啦!!!! ♪ ♫

講到之前同陳生睇過都幾滿意, 事不延遲, 當然同媽媽去下啦~

爹爹呢2日又返大陸, 唯有只係問下佢意見, 點知佢一聽到聯邦, 就已經即刻話”咁就差唔多啦~” (好膚淺囉!!!!)

 

趁第2日返夜, 同媽媽去飲下茶, 估唔到平日中午都咁多人, 我地個八角廳已經坐滿, 咁唯有坐另一個廳, 老實講, 野食同服務都唔差, 唯一係個糯米卷真係好麻麻…不過唔緊要~擺酒唔食糯米卷既 haha

 

媽媽意見??嗯…佢只係話”會唔會睇下其他地方呀??” , 其實我已經覺得好累啦~所以都直接同佢講, 佢都話如果係你鐘意啦~呢度其實都OK既……雖然好似”焗”佢講咁, 不過我估佢真係覺得唔好會開聲既, 所以都由佢啦~~~~

 

打鐵趁熱~今日就約埋佢媽媽同家姐~等家姐同經理傾埋OK就落訂~

 

飲飽食醉之後, 就請人搵陳經理過黎, 陳經理我只係O係電話同佢聯絡過, 今日都係第一次見佢, 睇落佢都幾nice同幾穩重~

 

有陳生家姐O係度, 當然佢做主導啦~我地D做細聽下內容就得~haha

家姐真係好勁呀!!!問晒要問既野不特止, 仲問左個陳生都諗唔到既問題 “你地個租約去到幾時”~一問, 陳生見阿經理既眼神唔同左, 好似覺得家姐係一個做足功課既人咁~不過陳經理好肯定會我地講岩岩續左約, 叫我地唔駛擔心

 

傾到咁上下, 陳經理就帶我地行左一圈~so far大家都覺得OK~再坐底落訂~

除左一D佢自己本身包/送既之外, 基本上佢都無額外加比我地~(一開始上網睇comment 我已經無乜抱期望, 因為個個都話聯邦企得好硬 )

 

但估唔到真係乜都無O者~不過家姐一見張協議書, 就已經唔再bargain D咩, 因為佢張野既內容全部都白紙黑字寫晒出黎, 唔似人地酒樓咁一張blank form, 雙方傾好咩就寫落去, 所以根本都無bargain既餘地….陳經理都自知先明, 都話佢公司可傾既彈性好少, 不過就勝在大酒樓, 穩穩陣陣, 無咩風險~所以都決定落訂啦~

 

今日先落左$300/圍訂啦~16/4我地入去就再比埋$700/圍~
陳經理到時會帶我地入去, 都好~慳返2張飛~

 

搞左幾個月, 終於搞掂酒席呢part啦~~~可以放下心頭大石

"陳葉聯婚"

我2012年10月14日結婚啦!!!!!!