☆ My Memory ★ HK の 影相日‧第 1 站☆

就O係倒數7個月呢一日, 我地就影最後一輯既PRE-WEDDING

之前因為起唇瘡而改左今日; 真係估唔到前幾日我又再發..........我真係好想講粗口呀.......

我擔心BD 當日都係咁..............千祈唔好呀.........

前一日仲頭痛緊好唔好又改期..........但一改又要去到4月~所以決定問下學化妝既朋友遮得住~

佢好肯定咁答我一定遮到!!!!好~我信佢, 所以繼續去

哎呀~又離左題添

講返呢日, 預早左時間食埋早餐先上去~陳生就可以遲一粒鐘先到~

今日既化妝師係Silvia, 其實我一直聽講化得最好既叫KAT/KIT, 但我又唔想加錢MARK, 所以就打算靠運....

當然我不嬲都無乜運氣, 一開始的確有少少失望, 但無辦法啦

不過之後既睇法當然改觀, 因為Silvia真係好好~首先佢同我影左張素顏相, 同我傾下會點化,

之後會先化左一邊, 我覺得OK左就繼續化, 最重要係真係可以遮左我最介意既缺憾美

化完到陳生啦, 陳生不嬲都唔鐘意O係佢面度加野, 但上次影完CHINA 之後就改變左睇法, 因為佢D 雀班同暗瘡印好覺眼

所以最後都同意遮遮佢....仲等佢以為自己真係咁天生麗質唔駛遮咩

Silvia用返同樣做法先遮左一邊, 等陳生覺得唔誇張OK就再化~

大約12點度, 我地就化晒妝啦~

第一件係我自己帶去既~我見佢加多個造型要比錢, 所以我之前都無加
打算到時問下可唔可以帶多個頭飾比我.....點知Silvia超好, 竟然幫我化多個造型, 真係好驚喜

有件事好古怪, 呢條裙之前已經請媽咪朋友改左, 好FIT 身嫁~不過半年後既今日再著.............足足鬆左一吋有多

我真係唔相信, 因為我真係唔覺自己瘦左, 仲覺得肥左添........真係唔相信.....

第一站係大埔廣福邨~一個舊式既井字屋邨...........

我麻麻住O係度, 所以由細到大我都黎過, 陳生覺得好特別, 好中式, 所以好想影~

攝影師Issac 問我地想點影, 我地毫無頭緒.....~Issac話"下, 咁你地又揀??" 我地話"因為特別囉 "

開始啦~~~~Issac 及助手Jacky 比我既感覺真係好唔同, 感覺真係PRO 好多......真係好後悔點解比影左HK先~

O係呢度都花左唔少時間影呢一站, 不過都好開心 :)

麻麻雖然返左大陸, 但我伯婆又O係加拿大返左黎, 當然要入去打個招呼, 仲有唔該叔叔特登返入黎大埔接我地上去

多謝Silvia幫我地影呢張相, 因為伯婆4月要返加拿大啦~今年應該唔返LU...所以佢去唔到我BD~

呢張相真係好有紀念價值

好啦~第一站結束~出發去第二站啦~