☆ My Memory ★ China~溪涌 の 揀衫篇 ☆

(29.11.2011)

好醒咁約左5點先揀衫~O係酒店HEA 左一陣就出發LU~

HAHA 經過大頭蝦咁行過左再行返轉頭~到頭黎原來直頭係地鐵站上蓋

我地終於到達啦~本來好擔心會唔會好似D大陸STUDIO 咁呢~

入到去真係放心晒~同HK 的無分別, 仲好大好舒服添

真係唔錯呀~所有衫都用袋袋好~雖然無相簿睇, 不過每個袋出面都有張相, 當日有阿詩同阿雅O係度,

阿雅負責幫我換衫, 佢好好咁叫我唔好急, 逐件睇慢慢揀, 睇岩既就幫我拎出黎, 又會比意見我~

阿詩就知道陳生會悶, 一早講左比陳生聽呢度有WIFI, 想要就問佢拎密碼, 超細心

好多衫都有心水, 不過因為只需要揀2件, 所以都唔好太貪心, 怕到時要頭痛揀邊件
(不過最後都揀左唔少, 阿雅成日話岩就試下睇下啦)

又等我比返少少神秘感大家先~我O係入面揀左2 件~大家又估唔估到呢~

佢D衫一D都唔娘, 同HK O個D無分別, 又新又乾淨, 真係唔錯

值得一讚既係, 第一件我一換左出黎, 阿詩就即刻叫陳生拎相機影底佢~

但最失敗既係, 我估唔到佢肯比我地影相, 所以我連傻瓜機都無帶~陳生唯有用IPHONE 影~

(呢個WEDDING 真係好順利, 好多地方都可以比我影相, 令我既回憶可以有多D花絮留念 )

大家會睇到呢個好好咁有一個台, 每次著好衫佢都會叫我上去, 所以連4吋鞋都唔駛著~又有D景影下~

真係要再讚

大約2個鐘度已經完成晒LU~阿雅好好咁叫我將聽日要用到既野留底, 咁就唔駛拎黎拎去, SETTLE 好晒之後就走LU~

今晚早D休息聽日9點返黎 :)