300 days to GO~~

For your ref.. only

☆ Beauty Hera ★ 執相KO ☆

今日係我地84個月拍拖紀念日~7週年紀念日

好開心今日可以放到假同陳生一齊過

特別既事當然要做返D特別既野~

特登揀左呢日去希女度睇執相, 今次已經係第二次執~

如無意外無咩問題就可以拎碟走, 再等成品出

去到又係親切既葉小姐SERVE 我地, 不出所料, 我地上次講既野已經全部執好 :)

話咁快就收貨~再double confirm 一下成品, 預算2月度就拎得啦~

雖然好心急睇成品, 但諗諗下咁早拎又要搵位擺....

所以都係慢慢等, 唔駛急 haha 

♨ENJOY♨ JM X'MAS PARTY

(2/12/2011)

終於寫左呢日啦~
大家左夾右夾, 終於夾到呢個2/12 大日子....

好彩O個日仲係放緊大假~如果唔係都黎唔到呀.....

好開心見到一班雖然少見, 但感覺好親切既JM 們~
大家一路食野一路傾結婚經真係好HAPPY~
真係唔及同其他朋友傾咁入肉, 始終大家都就黎結婚~有數不盡既話題
好開心識到大家

又係陣容鼎盛靚靚準新娘

我抽到的聖誕禮物 :)

希望可以快D再見到大家

♨哭♨ 陳生佢..........

(1/12/2011)
'
有人搶先娶老婆，小妹將淪為妾侍...........

呢個，係一個需要記錄既日子~

話說有人話結左婚之後一定要買部貴機影仔女......

但............有人竟然用放12日大假無野做、要練好d攝影技術第時影我地黎做藉口.........

要買相機~唔好浪費左一個咁好既假期...

就係我地3日2夜PRE-WEDDING 之旅入面...就不斷上攝影網...........

返到黎HK，放底行季...個心已經飛左去相機度~

最後..........佢終於"退而求其次"買左......

(因為佢部dream camera 係第二部，但更貴，真係買唔落手...)



給我未來仔女的話~
其實你爹爹最愛既唔係我.....只係佢唔可以同部相機結婚咋先揀你阿媽我咋

☆ My Memory ★ China~溪涌 の 影相日 ☆

(30.11.2011)

哈哈哈....隔左咁終於捨得寫返當日啦~

仲有好多篇未打...不過打呢篇沖返個靚涼, 敷返個靚MASK 先~

講到前一日因為畫畫而好夜先訓….第2朝又要準時9點就去到影樓，好眼訓呀!!! > <

上到去先換左婚紗之後就化妝師阿悅幫我分妝，雖然對於一D都唔識得化妝既我阿悅都化得好靚~但都自己覺得上次希女個妝我比較鐘意D~

不過阿悅好好，幫我襯頭飾既時候覺得禮服帽同小王冠都好靚，所以佢2樣都幫我拎晒~到時再襯

真係辛苦晒佢，因為當日佢病呢~仲要同我地去海邊吹風…

化得7788，攝影師就陸續返啦~負責我地係攝影師阿明同助手阿森，大家打左招呼之後，就到陳生揀男禮配件啦~陳生當然只係鐘情於自己O個套啦~所以佢對其他男禮都無咩所謂，對佢黎講都只係後備~所以好快搞掂~
(陳生真係好衰呀!!!叫佢幫我影D花絮又懶懶閒，自己O係度玩電話上網，咩都無幫我影囉!!!!)

好啦~O係影樓食左外賣，飽飽之後就出發啦~

我地既目的地O係溪涌，離影樓大約45分鐘度，開車時阿明就同陳生夾下想點影，傾左一陣~大家就小休一下~雖然時間短短，但我當然唔係放過任何訓覺既機會~
到左溪涌，比左入場費(380人仔/5個)就入去啦~估唔到11月尾既天氣咁熱，個天好藍~影相一流 

入到去真係估唔到咁誇張，已經見到10幾對新人，入面仲有一個好大既化妝房比人化妝，阿悅同我講已經算係少人.......已經好好彩 @@

好啦~加埋頭飾拍拍粉就開始啦~未WARM UP夠難影，阿明不斷叫我地放鬆D，笑得開心D (特別係陳生  )

其實個場唔係大家想像中咁豐富，只不過佢有好多主題，影出黎呃得下人咁解~

我從未試過O係公眾地方換衫，但全場人都係咁做，加上廁所根本無夠比人換衫，就算有...........你都唔敢去啦~咁乾淨..............

所以我唯有O係唔走光既情況下換好佢~

O係踢一踢，郁一郁既情況下陳生幫我影左2張花絮~以上2件係我O係佢度揀既~仲有一件就係我地既情侶TEE~

大約影到6點度~由於大部份都係海灘，所以我根本無著到高踭鞋，全程著CONS~雖然係舒服好多，但始終覺得高D影靚D....

回程是我自己累死左.......一路訓到返影樓~ (好彩BOOK左日酒店，如果唔係我怕我無BOOK 都會即刻搵酒店)

返到影樓，阿詩同我講大約3-4星期度就有相睇~



好~講返工作人員先~因為真係有D火火地..........

其實化妝師阿悅同攝影師阿明都好好，好有心，唔好理佢化得好唔好，影得靚唔靚........

不過助手阿森真係好唔得!!!佢好似今日先第一日出黎做，連閃光燈都唔識用 (係真的!!我親耳聽到阿明O係我補妝時教佢點用)

完全地做唔到助手應該要發揮既作用..............真係好不滿!!!!

比起上次希女既助手真係蚊比同牛比...........你唔識用唔緊要!!!但衰在懶同唔主動囉~我好晒咁影緊相佢唔駛打燈既時候..................

佢竟然坐埋一邊用張紙遮太陽......... 我自己去整裙，一係陳生同阿明幫我.......

真係...........唔識講..........總之佢真係好唔得

另外，本身我地帶左好多野道具去...不過佢架車唔夠位，我唯有取捨左唔要DIDI 兔公仔..(下輯一定帶你去!!!)

連泡泡槍都無時間用.........


(竟然用左個幾鐘打呢篇野~要沖涼訓啦!! ><)

☆ My Memory ★ China~溪涌 の 晚間活動 ☆

(29.11.2011)

睇到呢個TOPIC~唔知大家會諗咩呢~
希望大家會諗得純真D啦

好啦~講返正經, 揀完衫之後, 去左皇崗村啦啦聲食左晚餐之後就返酒店啦~

咁急返去做咩~之唔係要追萬凰之王囉

好期待咁返到去, 點知換黎既係超級失望

原來...................呢度係無香港直播的, OMG!!!!!!!真係估唔到我廣州祖屋有, 但深圳咁近HK 竟然無

陳生就開心死啦~佢不嬲都唔多鐘意我呢個電視精痴住個電視唔理佢~但有件事又係值得一讚, 呢度係有WIFI 的

仲要唔係龜速網絡, 不過當然上唔到HK 網站啦, 但起碼用到WHATSAPP, 呢PART 陳生真係超讚!!!

既然無得睇直播..................我..............唯有再睇多次25集啦 (其實佢UPDATE 得好快, 今日已經有尋日O個集睇)

陳生話我無得救, 無得睇今集都要重溫前一集 XD

好啦~啦啦聲返黎當然唔止係追劇啦, 陳生仲有一個好重要既任務要做........................

就係完成我地既情侶衫~叫佢一早做, 佢又話唔係急到時先畫~
點知搞搞下都畫左幾個鐘~差唔多成11點幾12點先完成, 仲要沖涼...........搞搞下成點幾先訓

唔好講咁多~去片~

陳生好專心咁落筆畫啦~

O係床畫畫下發覺唔得~要著上身畫易畫d~
企左好耐~~~累..........@@

完成左後面啦~比佢見到我偷影佢添~XD

20121014

由首席設計師親身示範自家名牌 (駛唔駛CHOK 到咁行呀??)

後面

前面

10分不滿D人畫到人仔女好似哪吒咁囉!!!!個稿明明好可愛呀!!!

不過算啦~雖然唔開心左一陣, 不過自家制係咁上下........影出黎都幾可愛既 (唯有話)

終於完成啦~~~~

絕密草稿公開~~~~(睇下, 原本得幾條毛仔好可愛嫁!!!)

同場加影.................................................

..........................................

.....................................................

..........................................

.....................................................

陳生第1次FU MASK 相一張