┌ 再闖 lasting love ┬ 又眨眼confirm 左┐

哈哈哈~~又黎到再闖 lasting love 呢篇啦~ (係咪感覺好呃post呢??? )

前篇講到去左2間, 之後會返返 lasting love 比文文睇下佢應該鐘意o個件~
一如所料, 文文就真係超鐘意, 簡直可以話係佢既the one, 加上佢時間又唔多都費時再搵, 既然我都幾鐘意呢間 就同佢地傾下可唔可以再半d~

期後佢比左個唔錯既offer 我地~如果我地一齊join, 就可以有88折之餘, 仲可以唔分grade 同free 拖尾 (原本各$500)
如果係慳返$1000, 真係超吸引~

就係打算落訂confirm 之際..................sales 竟然同我地講文文件the one 原來無期!!!!!!
真係晴天霹靂~~~文文好唔開心呀.......其實係因為30/12 有個客hold 左, 但佢26/12 結, 所以趕唔切比人~
之後無計啦...........sales 又不斷sell 佢其他婚紗, 見佢態度唔差, 就再試試添啦..........

之後見到一件都ok~我地都覺得唔錯........佢bf 都讚好~打算退而求其次..................
又想落訂之際...............頂!!!!!!!!!!!又撞!!!!!!今次係人地趕唔切比佢!!!!!!
真係想講粗口, 既然第一次已經係咁, 第二次係咪應該check 左個期先比人試呢????

文文o個下心情真係去到谷底, 想喊咁滯~之後我地都同佢講~其實係唔係我地都應該會join~因為真係覺得唔錯~
叫佢唔好為左我地個offer 而揀d自己唔鐘意既衫~
試多左2件佢都唔鐘意........決定放棄了~~~

大家都肚餓~所以就叫佢地落去叫住野食先~我地落左訂再去~

邊個有興趣去JOIN 既記得同我講~我睇下可唔可以"R"返個OFFER 返黎~
佢比得一次, 應該可以比到第二次既



題外話: 其實落訂時有個小插曲令我耿耿於懷同埋有D唔開心..................

事源o係未join 試緊之前, 我自知有多心選擇恐懼症, 知道佢只可以hold 一次, 轉一次, 我已經問佢可唔可以上黎揀衫試衫, 但就唔HOLD
住之後先HOLD 返, 當然佢話可以的, 但最後我落訂 (已經比左卡出去), 順口再講, 佢之後先話原來決定HOLD 先可以試上身, 唔HOLD
上黎睇得, 不過就睇相同拎出黎比你睇下, 但唔可以試上身同影相, 我O個下真係................    好失望, 好唔開心,
我之前明明問左嘛~你話我問左你話唔可以我都決定JOIN 就話O者...............

男友話JOIN左就唔好唔開心 (因為落左7成, 我一定唔會轉), 睇下點分配D時間仲好....
佢覺得下年先HOLD 會好D....但我又怕會太遲同人撞期.....
所以我地決定左12月希女排板ok 叫我地睇o個日就順手HOLD 左一次, 到下年8月度再上去睇下, 9月轉款confirm~

就係咁, 無啦啦又KO 左一件覺得好難揀又好麻煩既事~

雖然發生左呢個小小插曲~但希望一直順利啦.................~