陳生第一套禮服 ♥ ♥ ♥

好啦~~~搞掂左希女pre-wedding之後~
就帶左陳生去百利度睇下BEEBEE 介紹既禮服~
因為9月影~早D準備好

上到去睇下水牌....搵極都唔見~D NO.又好難搵...
本來想放棄啦...點知一轉身~e?個名咁熟既~原來O係度~
果然要遇到真係要遇到

上到去, 其實款唔多~不過陳生比套display 吸引左視線~
當然要試上身.........唔試由自可...一試就不得了!!!!
FIT 到好似度身訂造一樣!!!
連老闆娘Venus 都忍唔住話真係無野好改!!最鐘意呢D客
完全係M碼既標準版!!!

真係超型!!!!我真係暈啦
FIT 到咁, 唔買唔得啦 最後當然要出下"高太"個朵啦~
雖然唔係平好多~不過態度就親切好多~(唔係話之前無禮貌, 只係之前係對客O個種既禮貌, 而家係好似對朋友咁既親切 )

佢仲介紹左"高生"我識添呀!!! (幸會幸會 )

其實我地心思思想訂多條短褲~因為到時有多D款睇下~
不過試左第2套又真係好型, 又心思思想訂多套........
但最後都係訂左一套先再諗~因為我地大把時間, 等佢再諗下先

咁型我當然有影相啦~分享下啦~~~
(不過陳生當日唔舒服唔要上鏡喎~所以睇住佢個M碼標準身型先啦 )

呢套就係陳生訂左O個套~上身一D都唔駛改, 不過佢想褲管再slim D~所以就改窄D~希望到時唔好爆軑啦

就係呢套!!!!我超LIKE
不過上面O個套就formal D~呢套就潮D~
所以就心大心細訂唔訂多套好~不過真係好型............

sorry...我沉醉左O係自己世界度添~希望大家睇完呢篇野唔會食落飯~

最後~都要特別多謝介紹呢間VANTAGE 比我既BEEBEE
唔係得你介紹我真係唔知搵邊間黎滿足我高要求既陳生!!!
你真係幫左我太多啦!!!!都唔知點報答你好......以身相許我又做唔到...............