my first time @ ENVi Bridal

上集講到, 因為佢個PROMO 太吸引既關係~

就開始左我第一次婚紗之旅.........

8點正上到去~一入去既感覺好舒服, 好光猛~

坐落無耐就開始睇下相, 之後就試啦........好緊張呀!!!!

比晒埋我都幾鐘意既款大家睇先~之後再POST D 覺得唔太岩我既款...

Wedding Gown

我鐘意佢清清地, 好靚~本來唔太鐘意個大蝴蝶, 但估唔到望望下又幾順眼

Evening Gown

唯一一件粉橙色~好鐘意~最緊要著呢D有返個腰形

雖然唔係我期待既湖水緣而係蘋果綠, 但朋友們話我著綠色都幾靚~
不過....好似蛋糕左少少...........

其實我唔係想要桃紅色, 只不過係試下旗袍款我O唔OK~
朋友話估唔到我著旗袍都出左少少女人味
如果我揀, 我應該會再試下老闆娘O個件露背紅色旗袍~

之後O個D試完好似唔太岩自己...

陳生竟然鐘意呢件多D~原因係覺得呢件好似無咁大舊...
不過....明明係同一個綱紗....
而我自己就覺得, 呢件好似著出黎成熟左少少.....上面O個件清D, young D...

呢件...唔識講~前面睇麻麻.....不過後面睇就幾好~
但朋友們覺得普通左少少............

最後一件~先知原來黃色唔多襯我~顯得我膚色黑左D......

好~~~總結~~~其實我幾鐘意~PROMO 都超吸引...
不過陳生都未睇過...所以我今日無JOIN 到....PROMO 只係FOR 即JOIN既朋友~
我同朋友用左好多唇槍......老闆娘比左個special offer 我...
就係比一日時間我決定..........啦啦聲post 上FB 比陳生比comment..
陳生都覺得OK....不過多心既我又黎啦....

天使想法~

1. 老闆娘好好傾~又係準新娘, 我地身高又差唔多, 所以好明白大家

2. 上年10月先開, D衫好新淨~D款都幾好

3. 無限任轉款

4. 有送貨/收貨服務~唔駛煩

5. 個promo 真係幾抵

到小魔鬼諗法~

1. 同樣因為10月先開, 所以比較少款

2. 我最愛既粉橙同湖水綠EG 唔多.........同樣真係唔多選擇~

3. 暫時未搵到一件可以令我有叮一聲既感覺

3. 最最最重要既一個point~~就係我都未試過其他............都無比較~
你話我試過1, 2間都好丫.................
(呢個point 真係一個打10個....)

點好呢點好呢~~~我得一日時間咋~
陳生回應無陵兩可, 牆頭草~最後都係叫我自己決定!!!
決定到唔駛問你啦!!!!!

真係好心大心細!!!!!JOIN 唔JOIN 好呀!!!!!