♨ENJOY♨ 小手作做做做

 O係B2B 2012 GROUP入面, 認識到好多鐘意做小手作既JM們~

佢地個個都精於某一樣技巧~而我...............當然乜都唔識啦~~~~

但其實我自己都好鐘意做小手作...可惜我好多時都係3分鐘熱度

最近大家都JOIN 左D手作團購玩下, 有時間都JOIN左, 希望可以學下技巧~

呢2位除左同我一樣係12年既準新娘之外, 亦係我既好同事/前好同事

其實呢張COUPON 已經買左好耐啦~
到今天先夾到時間用, 個花球雖然整得麻麻, 就當學下新野, 見下前好同事啦

呢個就係同米太佢地JOIN 左佢證書班, 不過佢D工具同教學都麻麻
(可能因為太多人, 加上地方又唔大, 做得好辛苦呢~)
但總算都做左件野出黎既~遲少少再用歌比我既硬卡紙再整過~
D料已經買緊啦~~~希望成功做到個靚嫁啦~

最後呢個一直都想學, 咁岩菇菇佢地JOIN, 所以又跟去學下
間野同上面證書班O個間一樣, 但好在佢唔駛好大郁動, 所以今次都OK~
比我想像中易上手, 雖然都唔係整得好似, 但起碼為我最愛既DIDI 兔做樣小物件

之後好想WEDDING ITEMS 都想用拮拮~希望我有時間做又做得好啦.....

代放晚裝

早排舅父結婚, 舅母本來O係百利訂左件晚裝,
之後去旅行比佢見到件更鐘意既.......
所以到最後都無用到~

佢就叫我睇下有無朋友有興趣....
因為100%新, 佢唔想SIN 左佢............

去影PRE-WEDDINF 真係一流~~
做迎賓送客EG 都唔差~
後面係駁繩, 唔怕唔岩著

有興趣就留言啦 ^^

♨囍囍囍♨ 2月喜事一羅羅 :))

o係年頭我好受歡迎 (年中尾就唔受歡迎啦 )

除左菇菇1月姊妹外, 2月仲有2日~1日係馬老師婚禮, 1日係舅父婚禮

2個wedding 相差2日, 真係累得開心~所以一次過講啦

馬老師唔經唔覺都識左8年啦~雖然唔係成日見面, 但每次出黎都好多野傾,

佢話本來想搵我做伴娘, 但又怕我忙結婚野...所以無搵我

嗚..嗚........嗚.......點解你唔搵我,,,,,,我唯一一次做伴娘機會都無埋.....><

當日簡單而隆重, 係我第2次參與教堂婚禮 :)

我既姊妹妝, 隻眼幾大 XDD


曾太, 祝你永遠幸福

後日就係我舅父結婚既日子~佢地已經拍左好多年拖(好似由我初中開始), 亦同居左好多年...

所以基本上已經係老夫老妻~O係MIRA 舉行~

陳生都有去呢~佢係第一次出席我地屋企既大型活動 :)

幾驚佢牛記出現

快D生返個BB比我玩

6 MONTHS TO GO...............

眨下眼, 淨返半年.......
雖然仲有半年......但心情開始有D改變........
我能勝任做陳太嗎??我真係要離開同我生活左2X年的父母嗎??
呢排........我成日都同媽咪講 "好快就要離開你啦.....好唔捨得你"
我媽就話 "啋!!!"

但我的確唔捨得......雖然我唔係走左唔返黎, 但事實上真係已經唔同......

倒數半年!!!!

有少少事業呀!!!!少有呀!!!哈哈哈哈............

☆ My Memory ★ CHINA &amp; HK 大晒冷☆

好~趁今日返工人少少, 啦啦聲埋呢篇blog先~

岩岩先發現原來一直都無講到 china‧MM 既相......但如果係B2B 2012 既JM 們一定知道我對呢輯相真係好麻麻...

陳生更用"垃圾"黎形容成輯相......

3月中影埋最後一次HK‧MM Pre-wedding, 本來都無咩期望, 但issac 個感覺好唔同....令我不期然有d期待......

到左4月中終於有相睇啦~issac total 同我地影左200 張度~好多相我地都好鐘意, 佢唔同china o個個攝影師, 佢係好識得捕捉我地既表情...

特別係陳生, 你地都知佢不嬲影相都係同一個樣

但呢輯入面我可以睇到陳生唔同既表情, 真係唔錯~ :)

最麻煩就係入相簿啦~佢送左1大1細油畫再加2本相簿~因為我地係全包相, 所以可以帶晒d相返屋企慢慢揀....

要o係2輯相total 3xx 張入面揀60張...的確有d困難~

好啦~有圖有真相 比大家睇下相先 ^^

大埔廣福邨篇

咁岩有人辦喜事呢


好難見到陳生呢個樣嫁!!!

陳生話呢張攞既角度麻麻, 但我覺得好靚~ :)

山頂篇

我至愛的大草地

中環篇

中環starbuks

煤氣街下~
見唔見到上面有個b2b 個頭??呢個要執走

好啦......睇完靚野睇下醜野中和下

影又唔係影晒個教堂...都唔知想點....
呢張已經叫ok....

呢張仲衰, 係咩角度??究竟影d咩??
china o個輯相入面好多都係呢d相....真係無眼睇...
陳生話揀唔揀到30張入相簿都成問題....

換返件便服個感覺係好d....但陳生話........
呢D海灘香港都有...點解要特登上黎影??
............我唯有話"個海靚d囉............."

總結黎講, 其實MM 既服務唔差, 不過人就的確參次......
但慶幸既係.......有1輯係滿意既~

TOTAL 叫影左3輯相, 2間公司

希女同HK‧MM 係滿意
CHINA‧MM 係10級麻麻

陳生話已經好夠啦~唔會再同我影LU~~

我1生人1次既PRE-WEDDING 之旅已經告一段落啦~
希望下次有機會同大家分享下POST-WEDDING 啦