2月14的約會

哈哈...........終於出到情人節呢日啦~

今日, 我地大家都無請假, 只係咁岩大家返早, 所以一齊食晚飯~

雖然過左咁多年, 但我仍然要求陳生送禮物, 唔係因為我貪心, 只係想佢為我花一點心思

那怕係一粒糖........~雖然佢成日覺得如果佢真係送粒糖比我我一定發脾氣, 所以到而家佢都未試過~

不過.......佢仍然都係有佢一貫既習慣, 唔到最後一刻都唔買

當日當然送唔到野啦~又係叫我自己揀............本來唔記得想揀咩~點知佢竟然話買對情侶呃都可以......

情侶呃 真係好surprise~因為陳生除左介子之外講過話唔鐘意帶其他情侶飾物~所以之前想要咩已經唔重要,

淨係周圍揀要咩呃...........

最後, 行左MK 無數咁多間, 終於搵到屬於我們的！

好鐘意呀~~~雖然我覺得陳生帶一個月就會忍唔住除, 但都好啦~HAHA
見到呃上面有隻雀仔嘛??
本來唔多覺, 之後見到陳生就話"知唔知點解我要揀呢隻呃??因為代表我呢隻無腳既雀仔將會停留O係你度"
真係好肉麻呀~~~~~~~~~~ 不過我鐘意~哈哈

其實我買左個士多蛋糕比佢, 不過大家食得飽飽地~最後決定同屋企人分享, 帶左返屋企一齊食~

雖然只係過左一個情人節晚上, 但都係一個開心甜蜜的情人節晚上

怕自己唔記得MARK 返底先~事源陳生唔係一個會送花既人, 雖然我都唔係好恨收花, 不過都好想有一支半支收到........

今年當然都係無啦, 每次見到人地有就望下8下.............陳生就話"你咁想要買支比你啦"

"一D誠意都無, 今年唔要呀, 下年啦, 下年你要送一支比我"

陳生"好啦好啦"
我"你係記得先算啦 "
陳生"睇下點"

陳生~我就睇下點, 不過都唔會抱咁高期望

8 months to goooooooo :]

我第7個+最後一個+倒數8個月既情人節, 當然要好好記錄底啦~

呃POST 都係咁話嫁啦

(呢張我好辛苦先影到嫁!!! )

給最愛父母的禮物

我一直備受寵愛, 而家結婚啦, 好想搵樣野多謝佢地.......

諗左好耐~花啦~相簿啦~戒指啦.............好多好多~

上星期同朋友跳完舞, 食完野JOIN 左佢男友, 就跟左佢地刻木間野度8下戒指盒........ (佢地話有PROMO )

去到發覺唔係好岩...........等緊佢地周圍8下~點知.............比我見到一幅一家人既木刻畫象, 我覺得好靚好SWEET~

所以就問下價錢, 發現比我想像中平 (我心目中呢間D野好貴)

之後就比錢CONFIRM~比錢一刻先發現................我竟然無問到陳生

都無計啦~當時我諗佢應該OK 掛.........到我WHATSAPP 問佢~佢回應覺得麻麻, 唔靚

之後........我唯有老實同佢講...........我已經比左錢...........佢就答咁是但........

我建議我地一人揀一份~佢揀佢自己想送既, 我送我自己既~之後個懶人又話唔駛, 呢個就可以

不過之前買左2張相簿COUPON~所以應該會整埋佢~

如無意外, 送比父母同未來6299 既禮物應該會係呢2樣

我見到既感覺真係好SWEET~
唔係佢地舖頭O個D一式一樣公仔樣~係照相畫~
我仲諗緊上面寫咩字落去~大家有無建議 (中文好D)??

失驚無神決定買 :P

繼續努力努力.........就快還晒嫁啦!!!

行緊去MY MEMORY 既時候, 眼尾見到原來義記O係附近~

之前打算搵出租地氈, 咁岩見到有BLOG 話義記租平, 靚, 正, 一直想去睇下, 但又無特登去.....

咁岩行開.....當然去8下問下價~

去到問價錢.....點知阿姐話佢地無租, 只有買

可能係我記錯.......打算問下價錢再決定啦~點知阿姐超熱情, 又特登幫我打去問人呢隻地氈點舖靚...........

我話10月結婚, 唔想咁早買定放O係屋企.........佢竟然話"好簡單O者, 我幫你KEEP O係倉, 你9月度黎攞"

(仲要臨走前叫我比埋電話佢, 9月咁上下見我未拎就提下我, 怕我唔記得~服務真係10個讚呀 )

加上又唔係真係貴.......再問下陳生又OK~

所以決定買啦~價都廢時格 (所以大家如果知有第2度平唔好同我講, 我好少唔格到盡 )

之前我上網搵過, 呢D地氈如果租都成千蚊~同埋未必岩SIZE~
而家我4百幾蚊 (加埋地氈膠紙都係5百70幾~) 已經岩SIZE~
合理價錢

仲要未用已經搵到賣家~真係多謝歌歌暫時接收佢
放心~我會小心用, 如果真係太污糟我唔會放比你 (你都唔收啦)

比個資料D JM先~

義記地毯
地址：上海街697-699號地下
電話：2393 1169
溫馨提示 ** 只收現金唔收卡~大家想買最好帶定現金~不過隔離都有間中銀既 :)

HK@My Memory 揀衫

去完毅力, 返屋企抖左一陣~又出返去旺角my memory 度揀衫

好彩有陳生o係度, 好順利好快咁搵到我地搵既地方...

上到去, 本來想先傾地點再揀衫, 點知太多人無位~唯有落左樓下先~

入面去都真係幾多衫, 因為佢得一個位換衫, 變相就只可以serve 你一個~

感覺幾好~但就好唔慣有2個人跟住我揀相, 好鬼大壓力~

為左唔駛自己心大心細, 今次我都唔揀咁多, 一次揀3件, 之後3揀1, 真係揀唔落手先再搵.....

揀左3件婚紗, 好成功咁揀到一件

到EG啦~3件中都麻麻地.....其實陳生有一件幾ok~我都覺得唔錯...我鐘意佢隻色~

可惜佢地建議我揀返d深色野, 因為晚上多數係黃燈, 加上我之前話想揀d深色衫, 所以..........都係再揀下先~

之後又揀多左3件, 好鐘意o個件大玫瑰~好特別好靚.....但陳生話朵花太大over左~

最後..........揀左一件我同佢都覺得ok既~KO!!!

估唔到只係用左1個鐘左右既時間

陳生影相真係好衰...又唔數1,2,3, 點知你影緊喎~
麻煩大家又要SKIP 我個衰樣~
又比大家估下我揀左邊件

揀完衫又上返去傾地點~呢一PART 傾左好耐, 睇左好多REF.~不過都係覺得唔鐘意......

但又諗唔到D特別地方................

最後經過個幾鐘既討論~終於定實左啦~

第一站大埔廣福邨~因為陳生想影佢井字設計, 如果有時間會去埋海濱公園~

第二站山頂~主要想影大草地同佢個中途站~不過唔知去唔去到.....

第三站中環~會影中式starbucks (係咪又要CHOK?? )同夜影~

好啦~16/2 去影啦!!一定要順利!!!好天

最緊要一定要影得靚, 唔好好似CHINA O個輯咁

※ KO 婚檢 ※

為了緊貼進度, 我要勤D打BLOG 先得

今日好忙呀~~~排到密密麻麻......

第一站我地去左毅力做婚檢, 其實有少少緊張, 因為陳生好耐之前同我講未來99話佢有隱性地中海基因,

我上網睇過, 如果TOUCHWOOD 我都有, 小朋友好大機會有..

所以我好擔心自己都有呢個基因

好啦~講返毅力先~SO FAR 都OK~今日平日所以都唔駛等就可以做LU~

大約1個鐘就搞掂晒~因為岩岩撞正食飯時間, 所以陳生個影肺 (附加檢查) 要2點後就做得~

食飽飽再上去

我去左南豐毅力~D 姑娘幾好, 至少唔會黑面先~都會同你講多2句....

不過唔知係咪因為天氣凍, 姑娘明明搵到血管都抽唔到血.....

所以要再針多次....好彩佢都好手勢, 其實第一針一D都唔痛, 轉黎轉去搵血管都唔痛

但.............第2針佢試用幼針抽就痛啦~點解幼針會痛D呢??真係唔係好明......

針孔留影~
**仔女你睇下你媽我幾叻