哎呀~~~~懶到咩.....
個個jm都update 左自己進度~自己就好多野未post...
等我呀，我真係會update 嫁!!!! >
2012年5月25日 星期五
♨囍樂♨ 我的第二份祝福
今年2月我舅父結婚，我一共有3個舅父，有一個移民左去加拿大，我細舅父結婚
做阿哥既二舅父當然要返黎祝賀~所以, 媽咪已經同我講左二舅父應該去唔到我婚禮啦~
我都明既, 邊有幾多假喎~~~
O係臨走前，二舅父交低左份結婚禮物比我
呢份就係我第二份收到既禮物啦~得到屋企人同朋友既祝福真係覺得好開心
雖然機會係微D~但都好希望二舅父能夠出席 ^^
2012年5月5日 星期六
\
2012年5月4日 星期五
屬於1014裙褂
好啦~又係時候寫下blog啦~~
(不過睇之前大家要skip 左我個樣啦~費時嚇親大家
)是日(都唔幾耐前....
) 同媽咪出左mk就裙褂~本來想睇晒綿發同永隆, 但點知媽咪嫌永隆遠唔去...所以決定淨係睇錦發算~
一入去阿姐 (好似叫嫦姐)就問我地想睇邊d (好彩我地第一派入, 之後d小姐們要睇住相先到佢地)
我媽就覺得小五福多左d紅, 所以就試下中五福(左)...之後我又心思思想睇下大五福 (右) 係點~
但試左之後覺得好似老左幾年咁....所以都係要返中五福~
揀好之後又問我地要平腳定波浪腳~
我聽d jm 講得波浪腳意頭唔好嘛.....(婚姻出現波折)
點知嫦姐聽到就話"當然唔係啦~我地叫呢d做蓮花腳呀, 連生貴子咁解"
真係各處鄉村各村例~~XDD
媽咪又話佢無所謂, 加上蓮花腳 (即時改左名
) 的確著左落去後生D同睇落個人高D (因為袖長短D)所以最後都要左連生貴子捨棄左平平穩穩
(其實我都唔打算生咁多, 要連生貴子做咩 XD)
師奶既我當然要問下係咪可以送上頭睡衣~嫦姐即刻細細聲同我講, 唔好咁大聲比老闆聽到~寫埋比你啦~到時再拎
整體黎講, 服務好好, 會比意見, 又會幫你影相 XDD
D衫都好新~我BOOK左之後會封褂~好似係唔知第2定第3手~
錦發繡品公司電話：2385 0187
地址：旺角上海街523號地下 (近山東街口)
2012年4月21日 星期六
♨ENJOY♨ 小手作做做做
O係B2B 2012 GROUP入面, 認識到好多鐘意做小手作既JM們~
佢地個個都精於某一樣技巧~而我...............當然乜都唔識啦~~~~
但其實我自己都好鐘意做小手作...可惜我好多時都係3分鐘熱度
最近大家都JOIN 左D手作團購玩下, 有時間都JOIN左, 希望可以學下技巧~
呢2位除左同我一樣係12年既準新娘之外, 亦係我既好同事/前好同事
其實呢張COUPON 已經買左好耐啦~
到今天先夾到時間用, 個花球雖然整得麻麻, 就當學下新野, 見下前好同事啦
呢個就係同米太佢地JOIN 左佢證書班, 不過佢D工具同教學都麻麻
(可能因為太多人, 加上地方又唔大, 做得好辛苦呢~)
但總算都做左件野出黎既~遲少少再用歌比我既硬卡紙再整過~
D料已經買緊啦~~~希望成功做到個靚嫁啦~
最後呢個一直都想學, 咁岩菇菇佢地JOIN, 所以又跟去學下
間野同上面證書班O個間一樣, 但好在佢唔駛好大郁動, 所以今次都OK~
比我想像中易上手, 雖然都唔係整得好似, 但起碼為我最愛既DIDI 兔做樣小物件
訂閱：
文章 (Atom)