☆ Beauty Hera ★ 人生第一輯婚照 ☆

連續補左好幾篇..............終於到呢日啦

今日影完第一輯pre-wedding~好緊張呀~
因為對住人 (所有人包括陳生) 影相擺post 我會好唔自然~陳生就無問題啦~因為佢都係chok 住影, 連攝影師都笑佢個樣完全無分別, 所以放棄佢~期望就落左去我身上 (不過佢都應該係失落多 )

 

11點去到~化妝SET 頭~幫我化妝既叫..................Elaine (好似), 係一個外表同年齡唔match既人~好多謝佢化得我好靚呢

大約1點開始影......
同我地影相既攝影師叫阿康~助手叫阿星~2個都好後生, 所以我地4個就邊講邊笑邊玩咁影~
陳生好衰, 成日趁人地影女單就O係後面不斷引人笑, 笑到停唔到, 阿康佢地好奇怪望住陳生, 佢竟然同我扮無事, 扮無野, 扮無辜!!!
搞到佢地以為我傻嫁~~~成日無啦啦笑.............
仲要成日比佢引到我笑到流眼水, 整花左D眼線, 要麻煩Elaine出黎幫我補補佢....


其實環境比我想像中細得好多~不過佢真係盡用每一個空間, 所有地方都可以做背景,所以不經不覺都影左5個鐘...........

影到6點度~真係好累~其實最累係對腳...........連Elaine臨走前出黎幫我拍拍粉都嚇左一嚇 “嘩~點解你個樣咁累既??”我答佢”好眼訓呀 ”



本來1-2/10 可以睇相啦~不過我地夾唔到時間, 最後BOOK 左14/10~好期待呀~仲可以順道慶祝埋倒數一週年~希望唔會大出血啦 ><

 

其實影完最開心既~唔係因為想睇相, 唔係可以休息訓覺~而係終於可拆左D gel 甲啦!!!!自從上星期整完之後, 我對手真係好似廢左咁, 咩都做唔到~
唔好想靚影pre-wedding我一定早早拆左 ><

偷影左1, 2相, 陳生扮正義, 唔肯幫我偷影呀~激死我啦

HAHA~又做左半日靚靚公主~
黎緊仲有2日~要好好減肥

♨超HAPPY♨ 邊邊聚會

今日真係好開心可以同咁多位見面~
好開心認識到花花~第一次見信義~再唔少得當然有菇菇同Glo la~
希望遲D聚會認識埋加利~

今次菇菇幫我地BOOK 左MK 既百銀一窩~3個女人一個墟, 更何況5個
大家左又傾下右又傾下~真係傾唔停~

Happy Happy~Nice nite

(偷GLO D相先) 大家掛住傾計都好少出去拎野食~不過覺得佢時間太少啦~
大家都傾唔夠~

打完邊邊之後, 菇就帶左我地去食yogurt~

(又偷GLO D相先) 大家一人一杯~間舖又唔多人~
我地5個女人仔大聲講大聲笑~一傾都傾到成10點幾11點~

咁岩係菇係9月生日之星~我當然帶左份小小生日禮物比佢~希望佢鐘意
(菇~~~D相呢?? XDD)

♨超討厭♨ GEL 甲

為左影一輯靚靚既pre-wedding, 之前見團購有D平平地既GEL 甲, 就買左2張返黎打算黎緊影pre-wedding 整啦~

本來想前2日去整, 點知full booking, 唯有早一星期做啦~一上去整, 一開始已經超唔鐘意, 其實好想走, 但為左靚~我忍!!!!!

整左半個鐘都無已經完成左LU~係一款超簡單既款~

       

其實係幾靚既~可惜整完先發現自己原來咁唔慣~仲要連買2張~而家淨返O個張我一定唔再用~
當日整完又買左張$58拆甲(無限期)~會唔會有jm 幫我要左佢???我唔想浪費~~~><

之前買O個張團購係$58 包延長包石~連埋一張$58拆甲~而家$100 連整甲拆甲放左佢~
希望有JM 要左佢啦~

♨緣♨ 與blogger的第一次

O係呢個BLOG, 除左分享我自己既囍悅心情外, 其實好開心可以識到一班2012 B2B

其實同大家第一次見面, 內心份內緊張, 因為我自己其實唔係好慣對住唔熟既人 (同我的職業完全相反)

所以當要同大家約會, 真係有少少怕羞呢~

29.8.2011
在一個機緣巧合既環境下, 我同Glo相遇了~
其實我覺得同Glo真係好有緣份, 大家都係年尾結婚, 都係鑽石山聯邦擺酒, 都係O係萬福買婚戒...........
更加係O係同一個地方跳funky dance......
我地就係O係呢個地方相遇啦~~哈哈哈.............雖然O個次見面我地唔係傾左好耐, 但我地之後有排傾~

31.8.2011
我同菇菇第一次見面, 就係一齊去整手花~
當日發生左D小插曲, 但無損我地相見的心情, 由見到面, 到學完, 到食野,
我地都係雞啄唔斷, 東又講下, 西又講下~菇仲送左一份見面禮比我~
真係唔好意思添~我咩都無準備 ><
不過我會好好學習已表誠意~好開心認識你

2.9.2011
好事陸續有黎~夾左好耐既一次大型2012 B2B 聚會日子黎啦~
真係令人好興奮, 因為第一次同一班2X 完全唔識既朋友仔見面, 但估唔到氣氛真係好好~
完全唔似係一班唔識既朋友, 而係一班好耐無見既朋友仔

最衰我要返夜收工先黎到, 錯過左一D好玩既環節~不過都好開心能夠趕上同大家見面

雖然未能遂一認識到大家, 不過我知道會不斷識...識.....識.....到時就識得晒嫁啦 XD
呢度真係好想多謝4位統籌~你地無私籌備真係令我錫晒你地呀!!

11.9.2011
第一次去學整餅~估唔到係同大家~
臨近中秋~大家O係FB 講開一齊學整月餅, 好快就成行了~
大家除左講整餅, 當然又講下準新娘既一點一滴~真係好開心同大家一齊分享, 一齊討論~

好開心在網絡世界入面認識到的你, 你, 同你~我地要keep住見到, 由準新娘, 到人地老婆, 到準媽媽, 再到為人母...............

＊Beauty Hera＊揀衫記

等左咁耐~終於到左今日, 第一次正正式式去揀衫

遲左少少上到去, sales 姐姐帶我上3樓~呢層新開嫁~感覺好舒服 ^^

一坐底佢就拎左D相簿出我地揀, 叫我地mark no 再幫我地check 有無期~~

揀揀揀......好貪心呀我~1婚紗2晚裝我竟然揀左成10幾件, 搞到我都唔係咁好意思

經過一輪超nice sales姐姐(zoe)上上落落之後, 終於搵齊晒d衫啦~

揀衫正式開始~~~點解我會話zoe 超nice???因為佢竟然肯比我影相!!!!我終於唔駛叫伴娘小姐yanyan 幫我偷影~真係好surprise ar~

係咪好貪心呢?? XD

揀左邊件我要保持神秘先~影完相再同大家分享 =)
不過有一樣遺憾想分享...就係上面既靚靚綠色晚裝.......................竟然唔比我揀!!!

事源blog 友友beebee 知道我鐘意綠色, 一早已經同我講左希女有一件好靚既綠色仙女裝,

我一直好期待, 到今日一上去相簿都未睇就問左zoe~佢搵左比我, 一見到眼前一亮, 真係超鐘意~~~

已經揀左要試~就繼續開開心心揀no, 過左一陣zoe 好唔好意思走過黎同我講 "原來呢件衫轉左做外租, 所以影相唔揀得"

那一刻真係超級失望!!!本來佢唔打算比我試, 不過我請求佢比我試下一嘗心願, nice nice 既zoe 好好咁應承我~

雖然陳生同yanyan 都覺得唔靚, 不過如果佢有得揀我一定堅持揀~~

好彩............都可以影個相留念~算係咁啦~

好啦~~~揀好衫, 就期待21/9 既pre-wedding 啦!!!!!!要乖乖地早d訓, 唔好食熱氣野先得