85分 ♥♥ 2012‧10‧14 ♥♥

(haha, 岩岩打就開始懶啦~唔得咁, 要趁記得就好快D打, 好彩yahoo blog 可以揀返日子, 岩晒我D唔準時打既懶鬼  )

 

話說之前O個位流流地既阿姐唔多掂, 所以決定搵返幫細舅父擇日O個間師傅幫手

 

今次就變左同媽媽去, 飲完茶, 我地一行3人都踏入黃大仙

 

間舖好易就搵到~一坐底, 師傅就要晒我地6個D生日, 我同陳生D 8字 (咁先係嘛 )

 

陳師傅好勁, 記晒好多舊曆日子, 書都唔晒睇, 再check完全正確!!!唔似阿流姐咁, 下下都要查書先知~

 

佢一夾個8字, 就話”嘩, 你地好夾喎” 聽到我幾開心~

 

之後佢就講講講……….話最夾係95分(100滿分), 咁我當然問下我地幾分啦, 師傅話我地有85分呀!!!

 

唔係最高分, 亦唔知佢個準確性, 但我已經好開心~淨下15分係用愛黎維繫既~

 

師傅一路吹水, 一路夾左幾個日子, 都唔夠10分鐘, 就出左10月14日比我地~仲話呢日好夾我地, 同埋呢日係全年得4日既天赦日~講到佢有幾好有幾好….

 

哈哈哈~~之後仲有幾個, 不過我地既首選當然係1014啦~

師傅驚我地唔記得, 特登寫埋o個日係天赦日比我地

 

好~~~有左日子, 要再努力搵場啦!!!!

 

唉~~~~煩煩煩 """"

決定要再擇啦~

事緣本身覺得阿姐流流地都算........

11月搞都算.......

點知母親大人再睇下日子~突然醒起11月撞晒我、陳生同爹爹生日月份 (農曆10月)

聽D老人家話唔好喎.............

好啦~咪再問多個師父點囉~

搞掂我都想大家好..........一世人一次...........

星期一同陳生放假再去多次黃大仙~

今次老虎都要搞掂佢啦!!!!

[[盲無目的]]

食飽飽再行下尖咀~~

第一站當然係百利~以前行覺得佢好似好多野行.............

但今日同陳生行, 又好似無咩行咁~不過都拎左D 單張既.....

之後又行下婚紗街~平時好少行呢頭, 都唔知原來真係有好多間,

真係花多眼亂呀.........

其實真係唔知揀邊間好....因為真係好多選擇~

不過.......因為我地budget唔多.........盡量搵一間價錢OK~又幾多選擇又岩我既舖頭啦......不過老實講, 我都幾期待呢一PART~kakakka

密密行……

今日主要係睇下場地~

上網見到皇上皇"皇潮匯"幾靚~所以就同陳生去睇下點........

http://www.kinggroup.com.hk/flash/

去到第一個感覺好靚..........入到去第二個感覺就好"谷束"......

因為佢樓底好矮~之後就去左上面既皇延酒家~陳生個朋友之前擺過~

佢個花園好吸引呀~~不過其實要黎唔知做咩.......XDD

參觀完當然進一步去MEGA BOX~

分別去左喜百合同御苑~喜百合都唔錯.....一入去幾寬敞, 個新娘房好大~

不過陳生覺得佢個場地麻麻地.....好似唔知點咁.....樓底都唔夠高.......@@

好~~上去御苑.........睇左個細場先, 嗯.......麻麻地~有個位凹左入去既.............

再過對面.............嘩........"叮"一聲~好大好靚呀!!樓底又高~個場又夠方~又有窗可以睇晚景.......再睇下新娘房........網友話唔夠大, 我覺得OK呀~仲有2間房, 姊妹們一間~我一間~幾好喎~~~

陳生要求咁高都好滿意個場呀!!!!我就更加鐘意啦!!

價錢都OK既............如果再平少少就更好

不過地點就真係唔太方便~~~但對我地黎講暫時O係首選~

睇完九龍灣~見未到食飯時間, 過埋去紅磡睇埋煌府同彩福~

其實2場都唔錯~不過彩福樓底比較矮少少 (但都OK), 但呢間佢姐姐之前擺過, 加上又唔太岩budget, 所以應該唔會LUUU~~

煌府O個個都唔差~樓底夠高, 都係四四方方, 新娘房超超超大~~~

個部長又好熱情~呢個都有D機會..........部長又透露荃灣南豐中心將會開新分店~~~地點又OK, 煌府出品既應該唔差, 又新裝修~好似好吸引咁~不過未起好又唔知咁....

今日密密行之旅暫時結束~下次放假待續

要O係4月九展婚紗展之前要決定好~O係婚展落訂"R"多D野~

希望仲有位啦~~~各位準新娘, 留返D好日子比小妹呀!!

擇左幾日啦~不過.............

今日約埋佢媽媽一起去擇日...

本來以為佢有心水, 諗到原來都係打算去到揀...

咪打算打比詩姐問下啦....(因為佢早幾個月黎過)

點知打極都唔通....又已經行左個轉...咁隨緣啦...........

去到一間連佢個名都已經唔記得既店.........本來$800全包...

點知比佢媽媽講下價...$700全包.....講價呢D野..真係時刻都有做~慳好多

好啦..........夾夾夾........佢一路寫我一路唔開心....仲眼濕濕添.......

點解????佢媽媽話10月(農曆9月)重陽唔好....農曆7月(9月頭)都唔得...

得返...11月中....(大家知唔知咩事)

夾夾夾......得返11月中2日.....12月1日....我忍唔住問佢.....其實9月尾係咪都有D日子..

佢又睇..........搵到9月有2日....但有一日踏正8月十四..佢媽媽又覺得唔太好...

得返...........11月17/18日??OMG!!!堅唔開心...

仲有一樣野.........我媽媽本來想夾晒6個人.....(我佢同雙方父母)話晒一生人一次.......想大家都好.........但原來呢個阿姐只係夾我同佢8字......搞到我唔知點咁....

之後去左佢屋企食飯...咁岩佢姐姐又上黎........佢媽媽拎左比佢地睇......

如果我再去夾...又唔知佢地會點諗...

之後返屋企如實同媽媽講..............佢其實就無所謂...只係見到我好似"羅羅攣"咁...

就同我講.....如果幾百蚊令你安心D....咪用囉~又唔係幾千蚊.....

我都明...都岩既....但問題係又好似好唔抵啦....又花多幾百蚊...........又唔知佢屋企點諗.............

好煩呀...好唔開心.....唉~

第一步已經係咁...之後點??

個阿姐真係堅流流地.....
有D遇人不熟既感覺............

13/3 擇日啦 =))

如題.....

13/3 擇日啦~~~

不過仲未同媽媽講~希望媽媽唔好介意係陳生個媽媽擇啦~

因為佢之前話要擇日, 但唔知佢想唔想親自搞~

為了尊重佢, 我會再問下佢....

再唔係一齊去囉