擇日~**

一開始想早少少決定左日子, 咁做起野上黎都方便D~著實D~

自己屋企就想搵師傅夾6個人既8字~

話晒一世人一生喎~其實我都無咩所謂既~

老人家鐘意就好, 不過唔知陳生屋企人點諗...

佢媽媽都覺得唔駛咁早定........

尋日陳生同我講, 佢再問媽媽~佢媽媽就話過左年先定都唔遲...

..............其實我自己就想愈早愈好既~

不過算啦~之前都同陳生講總之11年3月前定左佢就OK~

我諗過左年, 再拖下拖下....3月都應該定好既~

伴娘姊妹

暫時決定左....

兄弟姊妹各五~

得咁少人........搵邊個好呢??

花多眼亂@@

今日去完婚紗展, 係拎左好多資料, 不過真係好花多眼亂....

唔知由邊度開始.......仲有就係......

攝影D人好煩!!!!!想自己靜靜睇下攞資料都唔得.......

一聽左A講, BCDE 就排住隊咁等住你...

搞到陳生炆到想講粗口.....

不過都拎左好多酒席同少少婚紗既資料既....

食飯既時間就總結下.........不過係無結論既

有一個好麻煩既問題需要解決...

就係我想O係註冊處註冊...陳生想O係酒樓..

因為佢覺得唔駛咁趕....但我就想傳統D........

點好呢.......

返到黎.....爹爹又話THE ONE 煌府好...(今日佢同媽媽去左飲茶)

不過老實講.....THE ONE 煌府個價比我地預算既高左少少....

咁我就直接同佢講啦.......點知佢話貴D會好睇D...
唉.........睇黎爹爹都應該係會比好多建議我O個D........今次認真麻煩

第一篇 =)

放大假終於有時間開返個YAHOO BLOG 啦~

以前開呢個BLOG係為大家, 因為要緊貼大家既近況~

而家開始寫係為自己, 因為要好好記下黎緊所經歷既一點一滴 

好啦~我要重新宣佈一次~

2010年11月26日 在我25歲生日那天, 陳生向我求婚呀!!!

等等等........終於等到啦~
(親愛既朋友們都知我恨嫁嫁啦~所以我都唔掩飾D咩啦, 可以睇到我呢個blog 既都一定係我最愛既朋友們  )

雖然比我一直預算既計劃會遲左~不過都ok, 我已經開始接受將會成為"扮晒"26歲既新娘子 kakaka

呢個時間, 講下少少求婚過程啦~

1. 馬灣
2. 沙灘
3. 煙花
4. 禮物
5. 戒指
6. 跪地
7. 喊

見到呢D key words, 應該都知道個過程啦可~哈哈

其實所有野都未訂~不過雙方父母都知道我地將會2012年結婚~

近日都不斷睇好多好多資料, 愈睇愈擔心.........太多選擇~對於有選擇恐懼症既我黎講真係好辛苦......我自知我地既budget唔多........但都希望在我地負擔得到既情況下有一個開心感動而刻骨銘心既wedding.......我又唔想跟其他人既做法去做, 但創意有限......唉~唔係咁快有婚前恐懼症下話........

不過好多野都未知知數~但我諗聽日去埋個婚紗展之後應該會好D~聽日再報告 ^^

開始啦!!! =)

有我FB 既朋友應該都知道呢張相代表咩

如果大家有興趣同我分享喜悅, 就SEND 個E-MAIL 比我啦~